གལ་ཏེ་ཁྱེད་ཀྱིས་རང་ཉིད་ལ་ཐར་པ་འཐོབ་ཆེད་གསོལ་བ་བཏབ་པ་ཡིན་ན། ད་ནི་ཁྱེད་རང་དཀོན་མཆོག་གི་བུ་ཕྲུག་ཡིན། ཁྱོད་ཀྱིས་ངག་ནས་སྐྱབས་མགོན་ཡེ་ཤུ་ནི་གཙོ་བོ་ཡིན་པར་ཁས་ལེན༌ཞིང༌། དཀོན་མཆོག་གིས་ཁོང་ཉིད་གྲོངས་པ་ནས་སླར་གསོན་པར་མཛད་པ་ལ་སེམས་ནས་དད་པ་བྱེད་ན་ཁྱོད་རང་ཐར་བར་འགྱུར་རོ། ། ༼    རོ་མཱ་པ།‬ ‭10‬:‭9‬ ‭NTB ༽‬‬‬‬‬‬‬‬‬

ཁྱེད་ཀྱིས་ད་ལྟ་ང་ཚོ་དང་མཉམ་དུ་རང་ཉིད་ལ་ཐར་པ་འཐོབ་པའི་ཆེད་དུ་གསོལ་བ་བཏབ་ཆོག་སྟེ། སྙིང་ཉེ་བའི་དཀོན་མཆོག་ལགས།
ངས་ཡེ་ཤུ་ནི་གཙོ་བོ་ཡིན་པ་ཁས་བླངས་པ་ཡིན། ཁོང་ནི་ན་ཆུང་བུ་མོ་ཞིག་ལས་འཁྲུངས་པ་ཡིན་ལ། ངའི་སྡིག་པའི་ཆེད་དུ་ཤིང་རྒྱ་གྲམ་སྟེང་ནས་སྐུ་གྲོངས་པ་དང་། ཉིན་གསུམ་གྱི་རྗེས་སུ་གྲོངས་པ་ནས་སླར་གསོན་པར་ང་རང་ཡིད་ཆེས་ཡོད། ངས་ཁྱེད་དང་འགལ་བའི་སྡིག་པ་བཟོས་ཡོད་པ་ད་ལྟ་ཁས་ལེན་ཞིང་། ངས་ཅི་ཞིག་བསྒྲུབས་ནའང་རང་ཉིད་སྐྱོབ་མི་ཐུབ། ཁྱེད་ཀྱིས་ང་ལ་དགོངས་ཡངས་གནང་བར་ཞུ། ང་རང་སྐྱབས་མགོན་ཡེ་ཤུ་གཅིག་པུར་བརྟེན་རྒྱུ་ཡིན། ང་རང་ད་ལྟ་ཁྱེད་ཀྱི་བུ་ཕྲུག་ཡིན་པར་ང་ལ་ཡིད་ཆེས་ཡོད། ང་རང་ནམ་ཡང་ཁྱེད་དང་མཉམ་དུ་གནས་ཐུབ་པར་ཤོག ཁྱེད་ཀྱིས་ཉིན་རྒྱུན་དམ་པའི་ཐུགས་ཉིད་ཀྱིས་ང་ལ་ལམ་སྟོན་མཛད་པར་ཞུ། ལུས་ངག་ཡིད་གསུམ་གྱི་སྒོ་ཀུན་ནས་ཁྱེད་ལ་དགའ་ཐུབ་པ་དང་མི་གཞན་ལའང་རང་དང་འདྲ་བར་གཅེས་ཐུབ་པའི་ཆེད་དུ་ང་ལ་རོགས་རམ་གནང་བར་མཛོད། ཁྱེད་ཀྱིས་ཉིད་ཀྱི་སྲས་ཡེ་ཤུའི་སྐུ་ཁྲག་གིས་ང་རང་བསྐྱབས་པར་སྙིང་ནས་བཀའ་དྲིན་ཞུ། སྐྱབས་མགོན་ཡེ་ཤུའི་མཚན་གྱི་སྒོ་ནས་གསོལ་བ་བཏབ་པ་ཡིན། ཨ་མེན།