Má kə mələtə adəwa kə və mbə́ na ná, wəri na kə ndza ka zəgwi ra Hyalatəmwə. Təmbwəri má ba na gətə lə mnyə-nga nee, ‘‘Yəsu, njə́ Tlamda, əkwə, a ba mbərəsa kwa mnie-nga nee, Hyalatəmwəa mbə́tə njə́ səmə kwa kwə́lə lə mkyə ná, naa dzəgə tlayi mbə́.” -- Romawa 10:9

Ndaka mələ adəwa na nkyahə lə yə́ ndzaranjəâ tazhe na tlayə mbə́:

Hyalatəmwəa rá,

Wəri rá kə ɗatə yə tá Yəsu njə́ Tlamdaa-rá. Wəri rá kə mbərəsa dyəgəlyi Maryamu yeki njə́, ba njəa mtə tə wci dladlakə təmbwəri byəkyi rá, a ba tlagwa kwa kwələ tə kwá makənəa vəci. Ɓeshi, wəri rá kə ɗatə yə tə́ nee, mdi byəkyi rá, a wsi shə tsəramə rá mələtə ba ráa tlantə mbə́ wə. Wəri rá kə gədyi na, a naa ntyəvi rá, tə Yəsu ngga rá kalə. Wəri rá kə mbərəsa zəgwi ra Yəsu rá ndzaranjəâ a ráa ndza ka nga-nga batə wavi. Ntərə rá kəma wamara vi lə mambəli wángəa-nga. Vweta rá a rá ʻyi na lə paɗəa mnie-rá, ba mkyəa-rá ba zəzie-rá a ba rá ʻyi kwavati-rá kala tsá kə rá ʻyi ghie-rá. ʻWəsa lə tsá kə na mbə́tə rá səkə kə myəmyie Yesu, zəgwie-ranga. Mə tlie Yesu mələtə adəwa rá, Amina.