ຖ້າທ່ານໄດ້ອະທິຖານ ຕາມຄໍາອະທິຖານແຫ່ງຄວາມລອດ, ດຽວນີ້ ທ່ານກໍເປັນລູກຂອງພຣະເຈົ້າແລ້ວ.
"ຖ້າເຈົ້າຮັບດ້ວຍປາກວ່າ ພຣະເຢຊູເຈົ້າຊົງເປັນອົງພຣະຜູ້ເປັນເຈົ້າ’’ ແລະ ເຊື່ອໃນໃຈວ່າ ‘’ພຣະເຈົ້າໄດ້ຊົງບັນດານໃຫ້ພຣະອົງເປັນຄືນມາຈາກຕາຍແລ້ວ’’ ເຈົ້າກໍຈະລອດພົ້ນ.—ໂຣມ 10:9

ດຽວນີ້ ທ່ານສາມາດອະທິຖານກັບພວກເຮົາ ເພື່ອຄວາມລອດຂອງທ່ານ:

ຂ້າແດ່ພຣະເຈົ້າ,

ຂ້ານ້ອຍຍອມຮັບວ່າ ພຣະເຢຊູຊົງເປັນພຣະເຈົ້າ. ຂ້ານ້ອຍເຊື່ອວ່າພຣະອົງເກີດຈາກຍິງພົມມະຈາຣີ, ຊົງສິ້ນພຣະຊົນເທິງໄມ້ກາງແຂນແທນບາບຂອງຂ້ານ້ອຍ ແລະ ໄດ້ເປັນຄືນຈາກຄວາມຕາຍໃນວັນຖ້ວນສາມ. ມື້ນີ້, ຂ້ານ້ອຍຍອມຮັບວ່າຂ້ານ້ອຍໄດ້ເຮັດຜິດບາບຕໍ່ພຣະອົງ ແລະ ບໍ່ມີສິ່ງໃດເລີຍ ທີ່ຂ້ານ້ອຍຈະເຮັດເພື່ອຊ່ວຍຕົນເອງໃຫ້ພົ້ນໄດ້. ຂ້ານ້ອຍຂໍໃຫ້ພຣະອົງໃຫ້ອະໄພຂ້ານ້ອຍ ແລະ ຂ້ານ້ອຍເຊືື່ອວາງໃຈໃນພຣະເຢຊູພຽງຜູ້ດຽວ. ຂ້ານ້ອຍເຊື່ອວ່າ ຕອນນີ້ຂ້ານ້ອຍເປັນລູກຂອງພຣະອົງແລ້ວ ແລະ ຂ້ານ້ອຍຈະຢູ່ກັບພຣະອົງຕະຫຼອດໄປເປັນນິດ. ຂໍຊົງນໍາພາຂ້ານ້ອຍໃນແຕ່ລະວັນ ໂດຍພຣະວິນຍານບໍລິສຸດຂອງພຣະອົງ. ຂໍຊົງຊ່ວຍຂ້ານ້ອຍໃຫ້ຮັກພຣະອົງດ້ວຍສິ້ນສຸດໃຈ, ສຸດຈິດວິນຍານ ແລະ ສຸດຄວາມຄິດຂອງຂ້ານ້ອຍ ແລະ ຮັກເພື່ອນບ້ານເໝືອນຮັກຕົນເອງ. ຂອບຄຸນພຣະເຈົ້າ ສໍາລັບການຊົງໄຖ່ຂ້ານ້ອຍ ໂດຍຜ່ານໂລຫິດພຣະບຸດຂອງພຣະອົງ, ຄືອົງພຣະເຢຊູ. ຂ້ານ້ອຍອະທິຖານໃນພຣະນາມຂອງອົງພຣະເຢຊູ. ອາແມນ.