Jõ nyílegĩ ilẽgĩ lari drị́ rĩi rá irĩ, nyi drĩá ꞌbarángwá Rũbãngã drí rĩ ꞌi.

“Jõ nyîꞌjọa nyâ tị sĩ Yẹ́sụ̃ ni Ópí vúa nyáꞌị̃ nyâ ásị̂ ní ꞌa Rũbãngã inzí ani drã gá sĩ rá irĩ, nyémụ́ nyí rari rá.” —  Rómãꞌbá 10:9

Nyílegĩ ãmetrõ drĩádru nyâ lari ní wã:

Rũbãngã ni mâ Lẽlé ndrõ rĩ,

Áꞌjọ mâ tịsĩ Yẹ́sụ̃ ni Ópí: Máꞌị̃ rá Záá ágó nị̃ꞌdi ku rĩ ọtị ani nĩ, odrã kwealala drị enzĩ mádrị́ị sĩ, oko onzí drãgá sĩ ọꞌdụ́ inajóa rĩ sĩ rá. Endrũ Má mâ enzĩ ni ru áꞌjọ mínzĩ Nyâ andra gá rá, vúa tã zị̃ Má ní idélé ma arijó mângá sĩ wã ani ị̃yọ. Má nyi zị Nyeꞌbe má ní rá, vúa má mâ gẹ́nị̂ ni ꞌbã Yẹ́sụ̃ ní drị aꞌdị́tẹ. Máꞌị̃ drĩá ma Nyâ ꞌbarángwâ ꞌi vúa méyá má lidrĩ olúꞌdi tádru rĩi ase Nyétrõ ni rá. Nyĩꞌdụ mâ drị̃ ni ọ̃ꞌdụ́ cị̃drú sĩ nyâ Éndrí Ọlẹ rĩ sĩ. Nyikonyĩ ma Nyi lẽjó mâ ásị́, endrí vúa ụ́jẹ́ cị̃drú sĩ, vúa mãlẽ ꞌbá zị̃tị mâ ma lẽka mângá sĩ rĩ áni. Mánzó Nyi ma arika ãrí Nyâ Ngwápị Yẹ́sụ̃ drị́ rĩ sĩ sĩ. Mílẽgĩ rụ́ Yẹ́sụ̃ drị́ rĩ sĩ. Ámẽ.